शुक्रबार १४ माघ २०६७/२८ जनुअरी २०११
कतारको दुताबासमा फिर्तीमा रहेका नेपालीको संख्यामा उल्लेख्य कमी आएको छ । नेपाली नियोगले उपलब्ध गराएको जानकारी अनुसार २३ जनवरीसम्म २ सय ८ जना नेपालीहरु फिर्तिकेन्द्रमा रहेका छन् । आन्तरिक मामिला मन्त्रालयको खोजतलास एवं अनुगमन विभागमा दुतावासका जनसम्पर्क अधिकारीको भ्रमणका क्रममा सो आँकडा प्राप्त भएको हो ।अघिल्लो महिनाको तुलनामा यो संख्यामा निकै कमी आएको हो । डिसेम्बरको अन्तसम्ममा ३ सय १७ नेपालीहरु फिर्ती कन्द्रमा रहेका थिए । केहि महिनादेखि कतारको फिर्ति केन्द्रमा रहेका नेपालीहरुमध्ये हालैका दिनमा मुलुक फर्कने नेपालीको संख्या उल्लेख्य रहेको यो तथ्यांकले देखाएको छ । पछिल्ला दिनमा धेरैजना नेपाली मुलुक फर्किसकेको राजदुत डा, सुर्यनाथ मिश्रले बताए ।दुताबस सन्तोषजनक हुँदै आएको छ । अझै प्रयास गर्नसम्ने हो भने यो संख्या एक सयभन्दा तल ल्याउन सकिन्छ राजदुतले भने- 'क्रमशः नेपालीको संख्या कम हुँदै गएको छ र बाँकी रहेकाहरु पनि छिट्टै फर्कने आशा लिएका छौं ।'फिर्ति केन्द्रमा विभिन्न समस्याका कारण मुलुक फिर्ता जानुपरेका वा पठाइन लागेका ब्यक्तिहरुलाई राख्ने गरिन्छ । फिर्तिकेन्द्रमा रहेकाहरुलाई उनीहरुको फिर्तिका लागि प्रकृया सम्पन्न गरी प्रायः ३ महिनाभित्रको अवधिमा मुलुक फिर्ता पठाइन्छ ।
अधिकांस नेपालीजन नेपाली दुतावासकै कागजपत्र लिएर मुलुक फर्कनका लागि फिर्तिकेन्द्रमा पुगेका हुन्छन् । स्पोन्सर वा कम्पनी छाडी भागेपछि वा कतार बसाई गैरकानुनी हैसियतको बनेपछि उनीहरु घर फिर्ता हुँदा दुतावासको पत्र लिई फिर्तिकेन्द्रमा जानुपर्ने हुन्छ । गैर कानुनी हैसियतका कारण 'भेलिड कतारी आइडी' नभएकाहरु कार्यस्थल वा अन्य कुनै पनि ठाउँबाट प्रहरी खानतलासीका क्रममा पक्राउ परेमा फिर्ति केन्द्रमै राखिन्छ ।
