अत्यधिक जाड़ो

बुधबार २८ पौष २०६७
कावासोती ,नवलपरासीमा चिसो बढ्दै गएपछि आगामी माघं ३ गतेसम्मकालागी जिल्लाका सबै निजी बिद्यालय बन्द भएका छन । जिल्लामा बिगत २ साता देखी चिसो बढ्दै गएपछि जिल्लाका सम्पुर्ण निजी बिद्यालयहरु बन्द गरिएको हो । बिगत २ साता देखी यस क्षेत्रमा चिसो बढ्दै जादा यस क्षेत्रको जनजबिन थप कष्टकर बन्दै गएको छ। विगत केही दिनदेखि चलेको शीतलहरका कारण नवलपरासी र आसपासका क्षेत्रको जनजीवन कष्टकर बनेको छ ।चिसोबाट बालबालिका, वृद्धवृद्धा र विपन्नवर्गका व्यक्ति सर्वाधिक प्रभावित भएका छन् । चिसोले गर्दा जिल्लाका मुख्य बजार कावासोती ,शिवमंदिर ,परासी, सुनवल, बर्दघाट, अरुणखोला, चोरमारा, डण्डा, रजहर, गैडाकोटलगायत स्थान सुनसान भएका छन् ।
चिसो भगाउन रामग्राम नगरपालिकाले गाउँगाउँमा दाउरा वितरण गर्नुका साथै चोकचोकमा आगो बाल्ने व्यवस्था मिलाएको नगरपालिकाका कार्यकारी अधिकृत दुर्गानाथ गौतमले बताउनुभयो ।