नेपाल पर्यटन बर्ष २०११

शुक्रबार ३० गते पुष २०६७ /१४ जनवरी २०११
नेपाल पर्यटन वर्ष २०११ आज औपचारिक रुपमा देशभर मनाइँदैछ । पर्यटन वर्षअन्तर्गत दस लाख पर्यटक भित्रयाउने योजना रहेको छ ।
यसै उपलक्ष्यमा आज दिउँसो काठमानडू स्थित दशरथ रङ्गशालामा आयोजना हुने विशेष समारोहमा राष्ट्रपति डा। रामवरण यादवले पर्यटन वर्षको शुभारम्भ गर्नु भयको छ । समारोहमा प्रधानमन्त्री माधवकुमार नेपाल, पर्यटन तथा नागरिक उडडयनमन्त्री शरत्सिंह भण्डारीलगायत अन्य मंत्री हरु तथा विशिष्ट व्यक्ति र जनसमुदायको सहभागिता रहेको थियो । यसैगरी, आज साँझ टुँडिखेलमा विशेष कार्यक्रमसहित आतशवाजी गरिनेछ । पर्यटन वर्षको शुभारम्भको अवसर पारेर राजधानीमा आयोजित सार्क पर्यटन मन्त्रिस्तरीय बैठकले सार्क क्षेत्रको पर्यटन-प्रवर्द्धन गरिनुपर्नेमा जोड दिएको छ । सरकारले पर्यटन वर्षको औपचारिक शुभारम्भका दिन आज देशभरका शैक्षिक संस्थाहरुमा सार्वजनिक बिदा दिने निर्णय गरेको छ । अघिल्लो सरकारले सन् २०११ लाई पर्यटन वर्ष मनाउने घोषणा गरेको थियो । यसअघि सन् १९९८ मा नेपाल भ्रमण वर्षको आयोजना गरी पर्यटन प्रवर्द्धनको कार्य गरिएको थियो ।