सुस्तामा घंकियो संगीत

बिहीबार पुसे १५ २०६७ /३० दिसम्बर २०१०
पटकपटक छिमेकी देश भारत पक्षबाट सीमा मिचिएको विषयले चर्चा र विवादमा आउने नवलपरासीको सुस्ता पछिल्लोपटक फरक विषयले चर्चामा आएको छ । भारतीय पक्षबाट सीमा मिचिएको विरोधमा दुई दर्जनभन्दा बढी कलाकारले देशभक्तिले ओतप्रोत गीत गाएर सुस्तालाई चर्चामा ल्याएका हुन् । दौरा, सुरवाल, इस्टकोट, ढाकाको टोपी, कम्मरमा खुकुरी, गुन्यु, चोली र पछ्यौरीजस्ता राष्ट्रिय पोसाकमा सजिएका पुरुष तथा महिला कलाकारहरू आइतबार भारतसँग सीमा जोडिएको विवादित सुस्तामा पुगेर गीत तथा नृत्यमार्फत आफ्नो देशको सीमा रक्षा गर्न र राष्ट्रियताको पक्षमा सजग रहन सरकारलाई अनुरोध गरे । पहिलोपटक यति धेरै कलाकार सुस्ता पुगेर गीत र नृत्य प्रस्तुत गर्दा सुस्तावासीहरू दंग परेका थिए । पुराना लोकगायक बमबहादुर कार्कीको देशभक्तिपूर्ण गीतले सहभागी सबैलाई भावुक बनायो भने सरकारप्रति आक्रोश उब्जायो । कार्यक्रममा गायक इन्द्र जीसी, शकुन्तला थापा, तेजबहादुर केसी, दीपक खड्का आदि कलाकारले राष्ट्रियता झल्कने गीत प्रस्तुत गरेका थिए । 'राष्ट्रियताको पक्षमा जागरण आओस् भनेर पहिलोपटक सुस्त आएको हुँ'-गायक बमबहादुर कार्कीले साप्ताहिकसँग भने कलाकारसँगै क्षेत्री समाजका एक हजार बढी सदस्य राष्ट्रिय पोसाकसहित सुस्ता पुगेका थिए ।

फेस्टुला र पाइल्समा क्षारसूत्र

बिहीबार १५ पूस २०६७ /३०दिसेम्बर २०१०
महेन्द्रनगरस्थित सिद्घनाथ विज्ञान क्याम्पसका शिक्षक रामबहादुर केसीले १२ वर्षअघि सुर्खेत क्षेत्रीय अस्पतालमा एलोप्याथी चिकित्सा पद्घतिअन्तर्गत 'फेस्टुला' को शल्यक्रिया गरे, तर निको भएन । 'शल्यक्रिया भए पनि लिकेज भइ नै रहेको थियो,' केसीले भने, 'त्रिवि शिक्षण अस्पताल महाराजगन्जमा उपचारार्थ चिकित्सकले सुरुवाती चरणको फेस्टुला नभएकाले पाँचौंपटक शल्यक्रिया गरे पनि दोहोरिरहेको बताए ।'
एलोप्याथीबाट निको हुने पक्का नभएका केसी अन्ततः आयुर्वेदको शरण परे । चिकित्साशास्त्र अध्ययन संस्थान, आयुर्वेद क्याम्पस कीर्तिपुरमा 'क्षारसूत्र चिकित्सा' अन्तर्गत शल्यक्रियाबिना गरिने उपचार पद्घतिले उनमा काम गर्‍यो । सात महिनादेखि उनी पूर्ण स्वस्थ छन् । 'आयुर्वेद चिकित्सकले यो पद्घति ९९ प्रतिशत सफल हुने दाबी गरेपछि मैले पनि अपनाएँ,' केसीले भने, 'उपचार गराउन समय लागे पनि म पूर्ण सन्तुष्ट छु ।'
करिब ९९ प्रतिशत निको हुने क्षारसूत्र चिकित्साअन्तर्गत फेस्टुला (भगन्दर) र पाइल्स (अल्काई) बिना- शल्यक्रिया निको हुनेमा केसी एक्ला छैनन् । आयुर्वेद क्याम्पस, कीर्तिपुरबाट हालसम्म झन्डै ४ सयभन्दा बढी व्यक्तिले बिनाशल्यक्रिया दुवै रोगबाट मुक्ति पाएका छन् । 'शतप्रतिशत सही चिकित्सा पद्घति लाग्यो,' नेपाल टेलिकम तालिम केन्द्र, बबरमहलका कर्मचारी मणिक लामाले भने, 'दुई वर्ष पुरानो फेस्टुलाको शल्यक्रिया गराउन पाटन अस्पताल पुग्दा शल्यचिकित्सले नाबल्ल्जी ने गरी ग्यारेन्टी लिन नसकिने बताए ।'
रुद्र जोशीले बीएन्डबी अस्पतालमा शल्यक्रिया गराएको दुई महिना नबित्दै फेस्टुला फेरी बल्झियो । नेत्र रोग विशेषज्ञ डा. सगुन जोशीका पिता उनले नयाँ दिल्ली गएर पनि शल्यक्रिया गराए । 'त्यहाँ पनि निको नभएपछि आयुर्वेद क्याम्पसमा क्षारसूत्र चिकित्सा गराएँ,' जोशीले भने, 'डेढ वर्षदेखि केही भएको छैन ।'
लामा, केसी र जोशी मात्र नभई आयुर्वेद क्याम्पस, कीर्तिपुरको चिकित्सा तथ्यांकअनुसार पाइल्स र फेस्टुलाको उपचार अन्तर्गत एलोप्याथिक चिकित्सा पद्घति अपनाएर दुईदेखि पाँचपटकसम्म शल्यक्रिया गराएका अन्य धेरै रोगी पूर्णतः निको भएका छन् ।
'दुई वर्षमा करिब चार सय व्यक्तिको उपचार गरेका छौं,' क्षारसूत्र चिकित्साको सफलता दर ९९ प्रतिशत रहेको दाबी गर्दै आयुर्वेद क्याम्पसका क्षारसूत्र विशेषज्ञ डा. राम आधार यादवले भने, 'शल्यक्रिया गर्नु नपर्ने पद्घतिको अर्को फाइदा के भने एकपटक निको भएपछि दोहोरिएको छैन ।' डा. राम आधारले उक्त चिकित्सामा रोगीलाई बेहोस वा स्थानीय रूपले संवेदनहीन बनाउनुनपर्ने भएकाले बहिरंग विभागमै उपचार गरिने बताए । आधुनिक चिकित्सा पद्घतिको शल्यक्रियामा फेस्टुला झिक्दा वा पाइल्स हटाउँदा गहिरो घाउ हुने गरे पनि क्षार सूत्रमा यस्तो केही हुँदैन ।
फेस्टुला र पाइल्समा क्षारसूत्र चिकित्साको सफलता हेरेर हाल भारतको अल इन्डिया इन्सिच्युत अफ मेडिकल साइन्सेज -एम्स) मा समेत यो पद्घति अपनाउने गरिएको छ । 'तर नेपालका एलोप्याथिक चिकित्सा पद्घतिका शल्यचिकित्सकले यसलाई स्वीकार गर्न नसकिरहेको अवस्था छ,' डा. राम आधारले भने, 'क्षारसूत्रमा कुनै ब्लिडिङ हुँदैन । शल्यक्रिया गराउँदा धेरै मात्रामा रगत नाश हुन्छ ।' क्षारसूत्रको उपचारका बेला रोगी पूर्ण सचेत अवस्थामा रहनुका साथै दैनिक कामसमेत गर्न सक्ने उनले बताए । घाउमा चारदेखि सात दिनमा धागो फेर्नुपर्ने हुन्छ । पूर्ण उपचारमा कम्तीमा एकदेखि डेढ महिना र बढीमा चार महिना लाग्छ ।
नरदेवी आयुर्वेदिक चिकित्सालयमा पनि डेढ वर्षदेखि क्षारसूत्र चिकित्सा उपलब्ध छ । चिकित्सालयका निर्देशक डा. रामदेव यादवका अनुसार पाइल्स र फेस्टुलामा यो चिकित्सा उपयोगी छ । 'धेरैजसो व्यक्ति आधुनिक चिकित्सा पद्घतिबाट तीन/चारपटक शल्यक्रिया गराएर फेरि बल्झी एपछि यहाँ आउने गरेका छन्,' रामदेवले भने, 'क्षारसूत्र चिकित्साको प्रभावकारिताबारे जनचेतना कम छ । नरदेवीमा डेढ वर्षयता करिब ५० जनाको उपचार भइसकेको
छ । क्षारसूत्र पाइल्स, फेस्टुला मात्रै नभई साइनस, दुष्टव्रण, ट्युमर र कुष्ठरोगको उपचारमा समेत उपगोग गरिने डा. राम आधारले बताए ।
के हो क्षारसूत्र चिकित्सा ?
'सुश्रुत संहिता' आयुर्वेद विज्ञानको प्राचीन शल्यचिकित्सा विधिको आधिकारिक ग्रन्थ हो । महषिर् सुश्रुत आयुर्वेदमा शल्यचिकित्साका जनक मानिन्छन् । उक्त चिकित्सा प्रक्रियाबाट पाइल्स र फेस्टुलाको चक्कुरहित शल्यक्रिया गरिन्छ । यो विधिमा औषधि तत्त्वयुक्त धागो प्रयोग गरिन्छ । पाइल्स वा फेस्टुला काटिएर र्झछन् र फेस्टुलाको घाउ बिनाकुनै अतिरिक्त मलमपट्टी स्वतः भरिन्छ । फेरि घाउ बल्झी दैन । यो उपचार सस्तो पनि हुन्छ ।
केबाट बनाइन्छ क्षारसूत्र ?
क्षारसूत्र क्षार (अल्कली) तथा सूत्र वा धागो (बारबोलिन थ्रेड) बाट बनाइएको हुन्छ । क्षारसूत्र बनाउनका लागि स्नुहीको दूध, अपामार्ग क्षार र बेसारको धूलो आवश्यक पर्छ । डा. राम आधारका अनुसार सबैभन्दा पहिले धागोलाई ११ पटक स्नुही दूधको लेप लगाएर सुकाइन्छ । अनि सातपटक स्नुही दूध र अपामार्ग क्षारको लेप लगाइन्छ । अन्तमा फेरि स्नुही दूध र बेसारको धूलोको लेप तीन पटक लगाए सुकाइन्छ । २१ पटकको लेपमा क्षारसूत्र तयार हुन्छ ।

तारा एयर दुर्घटना ग्रस्त

खोटाङ्को लामीडाँडा विमानस्थलबाट काठमाडौंका लागि हिँजो उडेको तारा एयरको ९ एफएक्स नम्वरको ट्वीनटर विमान दुर्घटनाग्रस्त अवस्थामा बिहीबार बिहान फेला परेपछी उद्धारका लागि प्रहरी र नेपाली सेना घट्नास्थलमा पुगिसकेको छ ।
उद्वरका लागी घटनास्थलमा जिल्ला प्रहरी कार्यालय ओखलढुंगाका डिएसपी रामकृपाल यादवको नेतृत्वमा प्रहरी टोली उद्धारका लागि पुगेका छन् । घटनास्थलमा विमान टुक्रा टुक्रा भेटिएको र शबहरु पनि क्षतविक्षत रहेको प्रहरीले जनाएको छ । विमानको कुनै पनि भाग सग्लो अवस्थामा नरहेको यादवले जानकारी दिए । ओखलढुंगा जिल्लाको सिरिचौर गाविस ९ स्थित तीनतले जंगलको मानेडाँडामा प्रहरीले क्षतविक्षत अवस्थामा १६ जनाको शव फेला पारेको छ ।

नेपालमा मात्रै बिमान कीन सम्पर्कबिहीन हुन्छन्

२९ मंसिर २०६७
१५ दिसम्बर २०१०
खोटांको लामी डांडा बिमानस्थल बाट ३ बजेर ८ मिनेट जादा काठमांडू तर्फ उडेको तारा एयर को बिमान सम्पर्क बिहीन भाको छ ,बिमानमा १८ नेपाली १ बिदेसी यात्रु थिए । नेपालमा मात्रै यस्तो कीन हुन्छा ?

सीमा अतिक्रमित बिरुद्ध जागरण अभियान

बुधबार २९ गते मंसिर २०६७
भारतद्वारा अतिक्रमित धेरै जिल्ला हरु मध्य नवलपरासी जिल्लाअन्तर्गत पर्ने सुस्ताको जागरण अभियान सुरु भएको छ । पुस ३ गते सुस्ता जाऔँ सीमा जागरण अभियानमा ऐक्याबद्धता जाहेर गरौँ भन्नेमूल नाराका साथ समाजको अगुवाइमा विभिन्न क्षेत्रका प्रतिष्ठित व्यक्ति सीमाविद् साचारकर्मीप्राध्यापक भूगोल एवम् इतिहासविद्सहितको ६० जनाको टोलीले सो ठाउँमा पुगी भारतबाट अतिक्रमणभएको सुस्ताको अवलोकन गर्नेछ ।टोलीले त्यहाँका बासिन्दा सरकारी संयन्त्र तथा सीमाविद्हरुसँग साक्षात्कार गरी सुस्ताकोवास्तविकताका वृत्तचित्र बनाई राष्ट्रिय अन्तर्राष्ट्रिय साचार माध्यमबाट देशका राजनीतिकदलहरुलाई नैतिक दबाब दिनेछ ।संयुक्त राष्ट्र सङ्घ युरोपियन युनियन तथा विभिन्न दूतावास तथा भारतीय राजनीतिक दलहरुलाईवृत्तचित्र पठाई उनीहरुमार्पुत् भारत सरकारलाई कूटनीतिक दबाब सिर्जना गर्ने सम्पूर्णनेपालीलाई सुस्ताको पीडाको वास्तविकता उजागर गरी जागृत गर्ने र अतिक्रमणको विरोधमासम्पूर्ण नेपालीको ऐक्यबद्धता जागृत गर्ने उद्देश्यले समाजले उक्त अभियान सुरु गर्नेभएको हो ।क्षेत्री समाज नेपालद्वारा आज यहाँ आयोजित पत्रकार सम्मेलनमा समाजका अध्यक्ष प्रा डादिलबहादुर क्षेत्रीले नेपाल र भारत सीमा जोडिएका २१ जिल्लाका ५३ ठाउँमा भारतले नेपालकोसीमा अतिक्रमण गरेको बताउनुभयो ।नेपाल एक स्वतन्त्र राष्ट्रको हैसियतले छिमेकी मुलुकको एक इन्च जमिन पनि आफनो साँध-सीमाभित्रनपरोस् र आफ्नो पनि एक इन्च जमिन कतै नजाओस् अध्यक्ष क्षेत्रीले बताउनुभयो । कार्यक्रममासमाजका महासचिव कुमार खड्का नेपाल पत्रकार महासङ्घका अध्यक्ष नारायण कार्की र पत्रकारकृष्ण थापाले पनि मन्तव्य व्यक्त गर्नु भएको थियो ।

उखुको मूल्य निर्धारण

नवलपरासी बिहीबार २३ मंसिर २०६७
नवलपरासीमा उखुको मूल्य हालका लागि प्रति क्वीन्टल तीन सय ४८ रुपैयाँ निर्धारण गरिएको छ ।प्रमुख जिल्ला अधिकार हरिराज पन्तको उपस्थितिमा उखु कृषक समिति उखु किसान प्रतिनिधि र उद्योग संचालन प्रतिनिधि बीच भएको वार्तापछि उखुको मूल्य निर्धारण गरिएको हो । जिल्ला प्रशासन कार्यलयमा भएको वार्तामा केन्द्र स्तरबाट उखुको नयां मूल्य कामय नभएसम्म यो मूल्य कायम रहने गरी सहमति भएको उखु कृषक प्रतिनिधि प्रेमचन्द्र गुप्ताले बताउनुभयो ।जिल्लामा उखुको मुल्य निर्धारण नभएको भन्दै उखु कृषक समितिले जिल्लाका उखु किसानहरुलाई उखु आपुर्ति नर्गन आग्रह गरेपछि उखु किसान र उद्योग संचालन बीच भएको छलफल पछि उखुको मूल्य निर्धारण गरिएको हो । नवलपरासीमा भएको तीन वटा चिनी उद्योगमा उत्पादित चिनी देशको मुख्य बजार चितवन रुपन्देही तनहु कास्की गोरखा काडमाण्डौ पाल्पा स्याङ्जा लगायतका मुख्य बजारहरुमा खपत हुँदै आएको छ ।उखुको मूल्य निर्धारण गरिएपछि जिल्लामा रहेको लुम्बिनी चिनी उद्योग सुनवल सहित वागमति खाडसारी मिल र इन्द्रा सुगर मिल साचालनमा आउने भएका छन् । जिल्लामा १० हजार उखु कृषकहरुले ५५ हजार बिगाहा क्षेत्रफल मा उखु खेती गर्दै आएका छन् ।

राष्ट्रपति दिनभरी नवलपरासी मा ब्यस्त

मंसिर १४, २०६७
डा. रामवरण यादवले हतियारको राजनीति अन्त्य गरेर समयमै नयाँ संविधान जारी गरी लोकतान्त्रिक गणतन्त्रलाई संस्थागत गर्नुपर्ने बताउनु भएको छ। ‘स्वदेशी उत्पादनमा भर परौँ, स्वाधीन अर्थतन्त्रको निर्माण गरौँ’ भन्ने मूल नाराका साथ आयोजित पश्चिमाञ्चलस्तरीय नवलपरासी औद्योगिक व्यापार मेला- २०६७ उद्घाटनका क्रममा राष्ट्रपति यादवले सो कुरा बताउनुभएकोहो ।कार्यक्रममा उहाँले राष्ट्रिय एकता, अखण्डता, स्वाधीनताका लागि सबै राजनीतिक दलबीच एकता, सहमति र सहकार्य जरुरी रहेको औँल्याउँदै २१औँ शताब्दीको चुनौती आर्थिक क्रान्ति भएको हुँदा सबैले चनाखो भएर जिम्मेवारीका साथ आफ्नो कर्तव्य पूरा गर्नुपर्ने बताउनुभयो ।तराई, पहाड र हिमाल जहाँसुकै बस्ने नेपालीबीच पनि आत्मीयता र सामीप्यता रहनुपर्नेमा जोड दिँदै राष्ट्रपति डा यादव भन्नुभयो- ” हामी सबैमा नेपाली हुँ भन्ने भावना जागृत भएमा मात्र हाम्रो अस्तित्व रहनेछ ।”राज्यको पुनःसंरचना वैज्ञानिक ढङ्गबाट हुनुपर्नेमा जोड दिँदै उहाँले नवलपरासी व्यापार मेला २०६७ अहिलेसम्मकै उत्कृष्ट मेला बन्न सफल होस् भन्ने शुभकामना पनि दिनुभयो ।कार्यक्रममा पर्यटन तथा नागरिक उड्डयनमन्त्री शरत्सिंह भण्डारीले समूल आर्थिक उन्नति र परिवर्तनका लागि मुलुकमा शान्ति र स्थिरताको आवश्यकतामा जोड दिनुभयो ।मन्त्री भण्डारीले सरकारले भगवान् गौतम बुद्धसँग सम्बन्धित नवलपरासी, रूपन्देही र कपिलवस्तुमा रहेका स्थलहरूलाई समेटेर लुम्बिनी एकीकृत विकास योजना ल्याउन लागेको जानकारी दिनुभयो ।मन्त्री भण्डारीले त्रिवेणीधाम, बाल्मिकि आश्रम, मौलाकालिका, पाल्ही भगवतीजस्ता पवित्र पर्यटकीय सम्भावना बोकेका धार्मिकस्थललाई सन् २०११ को पर्यटन वर्षमा समेटिने बताउनुभयो ।समारोहमा कृषि तथा सहकारी मन्त्री मृगेन्द्रकुमार सिंह यादवले नवलपरासी व्यापार मेला कृषि क्षेत्रको अग्रणी र नमुना मेला बन्न सफल रहोस् भन्नुभयो ।नेपाल उद्योग वाणिज्य महासङ्घका अध्यक्ष कुशकुमार जोशीले शान्तिविना आर्थिक क्रान्ति सम्भव नभएकाले सबै राजनीतिक दलले निहित स्वार्थ त्यागेर सहमतिको विन्दु पहिल्याउन आग्रह गर्नुभयो ।उहाँले चीन, भारतजस्ता राष्ट्रले शान्ति भएमा लगानी गर्न उत्सुकता देखाएको पनि बताउनुभयो ।मङ्सिर २१ गतेसम्म सञ्चालनमा रहने सो व्यापार मेलामा १७५ वटा स्टल रहेका छन् ।कृषि, पर्यटन, उद्योग, व्यापार प्रवर्द्धन एवम् सूचना प्रविधिको बृहत् प्रदर्शनी भनिए पनि मेलाको मुख्य आकर्षक कृषि र सूचना प्रविधि रहेको आयोजकले जनाएका छन् ।उद्योग वाणिज्य सङ्घ नवलपरासीका अध्यक्ष वैजनाथ जैसवालको अध्यक्षतामा सम्पन्न सो समारोहमा स्थानीय भेषभूषा, कला संस्कृति झल्कने झाँकी प्रस्तुत गरिएको थियो ।यसअघि डा यादवले गैँडाकोटस्थित मौलाकालिका मन्दिरको हातामा नवनिर्मित हवनकुण्डको प्रतिमा पूजा अर्चनासहित समुद्घाटन गर्नुभएको थियो ।राष्ट्रपति डा यादवले धार्मिक सेवा समिति मौलाकालिका मन्दिरमा सहयोग गर्ने आठजना विशिष्ट महानुभावलाई सम्मान गर्नुभएको थियो ।कार्यक्रम समितिका अध्यक्ष विष्णुहरि रिमालको सभापतित्वमा भएको थियो ।

स्कूल मै अब यौन शिक्षा

शनिबार ११ गते मंसिर २०६७
एशियाली मुलका बिद्यार्थीलाई सेक्सका बारेमा कम जानकारी रहेको भन्दै न्यूजिल्याण्डको एक बिजनेस स्कुलले बिद्यालयमै यौन शिक्षा दिने भएको छ ।न्यूजिल्याण्ड हेराल्डका अनुसार अकुल्याण्ड कोनकोर्डिया स्कुल अफ बिजनेसले आफुकहाँ आएका अधिकांश एशियाली मुलका बिद्यार्थी सेक्सबारे अनबिज्ञ भएको भन्दै अनिवार्य सेक्स क्लास सुरुवात गर्ने भएको छ । अभिभावकभन्दा टाढा खुला समाजमा कसरी सेक्सलाई ह्याण्डिल गर्ने र सेक्स स्वतन्त्रतालाई उपभोग गर्ने भन्नेबारेमा सिकाउन यस्तो कक्षा सुरु गर्न लागिएको म्यानेजर फुवाले बताए ।एशियाली मुलका बिद्यार्थीमा सेक्सबारे जानकारी कम रहेको र उनीहरुको बिद्यालय शिक्षामा यौन शिक्षालाई अनिबार्य बिषय नबनाएका कारण पश्चिमी खुला समाजमा घुलमिल हुन गाह्रो हुने म्यानेजरले बताए । न्यूजिल्याण्डको एक सर्भेले गर्भपतन गराउनेमध्ये धेरै एशिलायी मुलका रहने गरेको तथ्याङ्क अघि सार्दै स्कुलका ती म्यानेजरले त्यसमध्ये पनि धेरैजसो बिदेशी बिद्यार्थी हुनसक्ने शंका ब्यक्त गरे ।घरपरिवारबाट स्वतन्त्र भएको र टाढा भएको ठानेर सेक्सलाई लार्पवाहीपूर्व प्रयोग गरेको भन्दै सेक्सलाई जिम्मेवारीपूर्वक लिन औपचारिक शिक्षा दिन लागिएको बताइएको छ । जे होस आफ्नो घर परिवारमा सेक्सबारे खुलेर छलफल गर्न नपाएका एशियालीले न्यूजिल्याण्डको स्कुलमा भने त्यसको गतिलो स्वाद लिने भएका छन् । छैन त काईदा ?

सामुदायिक विद्यालयमा निःशुल्क इन्टरनेट सेवा

बिहीबार मंसिर ०२ गते २०६७
सरकारले चालू वर्षदेखि सबै सामुदायिक विद्यालयमा निःशुल्क इन्टरनेट सुविधा पुर्‍याउने भएको छ । सरकारले कक्षा १२ सम्मका विद्यार्थीलाई कम्प्युटर तथा इन्टरनेट सेवा उपलब्ध गराउन लागेको हो ।
इ-लाइब्रेरी विकास गर्ने उद्देश्यले आगामी बजेटमा निःशुल्क इन्टरनेट कार्यक्रम घोषणा हुने शिक्षा मन्त्रालयले जनाएको छ । शिक्षामन्त्री सर्वेन्द्रनाथ शुक्लका अनुसार पहुँच पुग्ने ठाउँमा निःशुल्क इन्टरनेट र कम्प्युटरको विकास गर्ने र पहुँच नभएका ठाउँमा पुस्तक व्यवस्था गर्ने कार्यक्रम तय भएको छ ।
'सन् ०२५ सम्म पुस्तकविना शिक्षा दिने लक्ष्य रहेकाले निःशुल्क इन्टरनेट र कम्प्युटर दिने कार्यक्रम बनाएका हौँ,' मन्त्री शुक्लले भने, 'कम्प्युटरबाट शिक्षा दिन सकेनौँ भने अब हामीले प्रतिस्पर्धा गर्न सक्दैनौँ ।इन्टरनेटको छुट्टै सेवा नपुगेका तर मोबाइल सुविधा भएका ठाउँमा समेत गुणस्तर हेरेर नयाँ कार्यक्रम लागू हुने मन्त्री शुक्लले जानकारी दिए । 'इ-लर्निङ' अत्यावश्यक भएकाले सरकारले यो कार्यक्रमलाई प्राथमिकतामा राखेको उनको भनाइ छ । इ-लर्निङ प्रणालीबाट विज्ञान र गणित विषय अध्यापन गराइने पनि उनले बताए। कम्प्युटरबाट दिइने शिक्षा सबै ठाउँमा समान स्तरको होस् भनेर पाठ्यक्रमको तयारीसमेत भइरहेको छ । पाठ्यक्रम विकास केन्द्रबाट बनाइएको पाठ्यक्रम केही दिनमै स्वीकृत हुने मन्त्री शुक्लले जानकारी दिए ।इन्टरनेट सुविधा पुर्‍याउन सकिने ठाउँबारे नेपाल टेलिकमसँग जानकारी मागिएको पनि शिक्षा मन्त्रालयले जनाएको छ । मन्त्रालयले करिब एक दर्जन जिल्लाका विद्यालयमा पाइलट कार्यक्रमका रूपमा पहिले नै कम्प्युटर वितरण गरेको छ । इन्टरनेट सेवा ग्रामीण क्षेत्रका विद्यालयमा पुर्‍याउन चुनौती रहेको भन्दै शिक्षा मन्त्रालयले दातृ निकाय, राष्ट्रिय तथा अन्तर्राष्ट्रिय गैरसरकारी संघसंस्थासँग सहयोग मागेको छ । मन्त्री शुक्लका अनुसार कम्प्युटरबाट शिक्षा दिने कार्यक्रममा सहयोग गर्न एक गैरसरकारी संस्थासँग मौखिक सहमति भइसकेको र केही दिनमै लिखित सम्झौता हुँदै छ । सामुदायिक विद्यालयका विद्यार्थी राष्ट्रिय तथा अन्तराष्ट्रिय रूपमा प्रतिस्पर्धा गर्न सक्षम हुने शिक्षा मन्त्रालयले विश्वास लिएको छ ।
यसैबीच, शिक्षा मन्त्रालयले उच्च माध्यमिक विद्यालयमा चार हजार शिक्षक दरबन्दी सिर्जना गर्न अर्थ मन्त्रालयलाई आग्रह गरेको छ । तर, अर्थले चार हजार शिक्षकका लागि रकम उपलब्ध गराउन सहमत भए पनि दरबन्दी सिर्जनामा आनाकानी गरेको शिक्षा मन्त्रालयले जनाएको छ । शिक्षकले आन्दोलन गरेपछि सरकारले सामुदायिक विद्यालयमा शिक्षक दरबन्दी सिर्जना गर्ने सहमति गरेको थियो ।

लौ आइपुग्यो एम् आर पि

मंसिर ०२ गते २०६७
मेसिनले पढ्ने राहदानी (एमआरपी) को पहिलो खेपअन्तर्गत केही सय थान बुक बुधबार आइपुगेको छ। फ्रान्सबाट त्रिभुवन अन्तर्राष्ट्रिय विमानस्थल मंगलबार झरेको एमआरपी बुधबार मन्त्रालयमा दाखिल गरिएको छ। फ्रान्सेली कम्पनी ओबर्थर टेक्नोलोजीले पहिलो खेपमा ट्राभल डकुमेन्ट, अफिसियल, साधारण र कूटनीतिक गरी चारै किसिमका एमआरपी पठाएको छ। मन्त्रालयले पहिलो खेपको संख्या खुलाएको छैन।'पहिलोपटक केही सय थान आइपुगेको छ,' परराष्ट्र मन्त्रालय स्रोतले भन्यो, 'चारै किसिमका एमआरपी आएका छन्।' एक साताभित्र ४ लाख थान भित्रिने जानकारी स्रोतले दिएको छ। परराष्ट्र-ओबर्थर सम्झौतामा उल्लेख गरिएभन्दा दुई साता ढिला एमआरपी आइपुगेको हो। भदौ ११ गते भएको सम्झौताअनुसार दुवै पक्षले हस्ताक्षर गरेको ७० दिन कात्तिक १९ भित्र पहिलो खेप ४ लाख थान भित्रिनुपर्थ्यो।प्राविधिक र आन्तरिक कारण देखाउँदै ओबर्थरले एक साताअघि एमआरपी आउन केही दिन ढिलो हुने जनाएको थियो। जानकारीपत्रमा ओबर्थरले फ्रान्समा भएको हडताल र एमआरपीको बाहिरी कभरको मसी सुक्न समय लागेकाले ढिलो भएको उल्लेख छ। बुक आइपुगे पनि एमआरपी तत्काल जारी गर्ने पक्षमा परराष्ट्र नभएको स्रोतले बतायो। सरकारी अड्डा तथा कार्यालय, अन्तर्राष्ट्रिय नागरिक उड्ययन संगठन (आईकाओ), विदेशी नियोगलाई जानकारी गराउन बाँकी रहेकाले एमआरपी जारी गर्न घटीमा १५ दिन लाग्ने परराष्ट्रको भनाइ छ। परराष्ट्रका अनुसार एमआरपीमा सूचना इन्ट्री गर्ने दक्ष जनशक्ति तयार पार्न पनि अझै केही दिन लाग्नेछ।त्यसअघि एमआरपीबारे सर्वसाधारणलाई जानकारी गराउन विशेष अभियान चलाउने तयारीमा परराष्ट्र छ। 'हामी एक-दुई दिनमै एमआरपी जारी गर्नसक्ने अवस्थामा छौँ,' स्रोतले भन्यो, 'तर, सर्वसाधारणलाई यसबारे विस्तृत जानकारी दिएर जारी गर्दा एमआरपीमा गल्ती हुने सम्भावना कम रहने भएकाले पहिले अभियान चलाउन लागिएको हो।'

नवलपरासीको डांडाझेरिमा मोटर पुग्यो

कावासोती ,नवलपरासी
कार्तिक ३० गते २०६७
नवलपरासीका ७३ गाविसमध्ये बिकट मानिने पहाडी क्षेत्रको डाँडाझेरी गाविसमा पनि पहिलोपटक स्थानीय जनताले मोटरबाटो पुर्‍याएका छन् । जिल्लाको सबैभन्दा पहाडी र बिकट मानिने डाँडाझेरी गाविसमा अहिले स्थानीयबासीले आफ्नौ रकम खर्च गरी आफ्ैले निरन्तर रुपमा श्रमदान गरी बल्ला गाउँसम्म पहिलोपटक मोटरबाटो पुर्‍याएका हन् । त्रिहत्तर गाविसमध्ये ७२ गाविसमा मोटरबाटो पुगेपनि विकट डाँडाझेरी गाविसमा भने मोटरबाटो पुग्न सकेको थिएन, पटक-पटकको प्रयास भएर पनि बाटो पुग्न नसकेपछि स्थानीय जनताले आफ्नै पहल र जिविस र गाविसको सहयोगमा मोटरबाटो पुर्‍याएका हुन् ।
जिल्ला सदरमुकामबाट सबैभन्दा लामो दूरीमा रहेको विकट गाविसमा मोटरबाटो पुगेपछि स्थानीयस्तरमा उत्पादित सुन्तला, अदुवा, दालचिनी, अलैंची, खुर्सानीले बजार पाएपछि स्थानीय किसानहरु हषिर्त भएका छन् ,दुई वर्षअघि गाविसले रु.तीन लाख ८० हजार, सभासद् सशाङ्क कोइरालाबाट रु. एक लाख ९० हजार, गाविसबाट पुनः रु. ५० हजार प्राप्त भएको र नपुग रकम स्थानीय डाँडाझेरी गाविस- ९ का स्थानीय वासिन्दाले सङ्कलन गरी श्रमदानबाट मोटरबाटो निर्माण गरेको उपभोक्ता समितिका उपाध्यक्ष यमबहादुर दर्लामी मगरले बताउनुभयो । विभिन्न व्यक्ति, सङ्घ संस्थाले रकम दिने आश्वासन दिएपनि नपाएको र आफुहरुले व्याजमा ऋण काढेर सडक पुर्‍याएको स्थानीय डाँडाझेरी गाविसका पूर्व उपाध्यक्ष लालबहादुर गरंजा मगरले भन्नुभयो । तर अहिले गाउँलेले श्रमदान साथै रकम समेत रु. चार लाख ५० हजार सयकडा रु. तीनमा व्याज तिर्ने गरी ऋण काढेर गाउँमा मोटरबाटो पुर्‍याएका छन् मोटरबाटो निर्माण उपभोक्ता समितिका अध्यक्ष चन्द्रबहादुर रानाले बताउनुभयो

समय मै ऍम आर पि पासपोर्ट उपलब्ध गराउन असफल

मंगलबार,नोवेम्बर ,०९,२०१०

मिटर रिडेबल पासपोर्ट एमआरपी छपाइको जिम्मा पाएको फ्रान्सेली कम्पनी ओबर्थर समयमा एमआरपी पासपोर्ट उपलब्ध गराउन असफल भएको छ। सम्झौता अनुसार यही कात्तिक २१ गतेभित्र एमआरपीको पहिलो लट नेपाल आइपुगिसक्नु पर्ने थियो। तोकिएको समयमा एमआरपी नेपाल नभित्रिएपछि नेपालले सन् दुई हजार एघार जनवरी एकबाट एमआरपी जारी गर्ने विषय विवादमा पर्न सक्ने देखिएको छ। सम्झौता अनुसार एमआरपी छपाइ, सुरक्षा, आपूर्ति, सफ्टवेयर विकास तथा इन्स्टल र व्यक्तिगत सूचना एमआरपीमा राख्ने लगायत सम्पूर्ण काम ओबर्थरले कात्तिक उन्नाइस गतेभित्र गरिसक्नु पर्थ्यो । अन्तर्राष्ट्रिय नागरिक उड्डयन संगठन आइकाओसँग प्रतिवद्धता जनाएअनुसार अबको डेढ महिनामा एमआरपी जारी भइसक्नुपर्ने हुन्छ। परराष्ट्र मन्त्रालयका अनुसार सर्वसाधारणले एमआरपीका लागि फर्म बुझाएको छदेखि आठ हप्तापछि मात्र एमआरपी पाउने छन्। त्यसका लागि व्यक्तिगत जानकारी संकलन कार्य यतिबेला प्रारम्भ भइसकेको हुनुपर्थ्यो । तर, सो नहुँदा एमआरपी वितरण प्रक्रिया झनै ढिला हुदा सर्बसधारण जनता थप पर्कामा पर्ने निश्चित छ।

देख्ने, सुन्ने र सचेत गराउने नयाँ सीसी टिभी

बेलायतको एउटा कम्पनीले एउटा यस्तो सीसी टिभी प्रविधि विकास गरेको छ जसले केवल आफू वरपर नजर राख्ने मात्र राख्ने होइन केही भइहालेमा चर्को स्वरमा आलार्म बजाएर सुरक्षाकर्मीलाई सचेत समेत गराउन सक्दछ। यो सीसी टिभी प्रविधिले कोही सहयोगका लागि आग्रह गरिरहेको छ, कतै झगडा भइरहेको छ वा कोही निकै आवेगमा छ त्यो पनि पत्ता लगाउन सक्दछ।क्याब्रीजको एउटा कम्पनी अडियो एनालिटिकले यो नयाँ सफ्टवेयर विकास गरेको हो। जसले अलग अलग पिचमा प्रेषित आवाजमा भेद पत्ता लगाउन सक्दछ। यो सफ्टवेयरले आवाजको गहिराई मापन गर्न सक्छ। एकभन्दा बढी आवाज पहिचान गर्न सक्दछ। आवेग वा तेज आवाज महशुस गर्न सक्दछ। यसबाट थाहा हुनेछ कि कोही सहयोगका लागि आग्रह गरिरहेको छ वा छैन ।सामान्यतः एक जना सुरक्षाकर्मीले आफू अगाडि रहेका स्क्रीनमा २०/३० सीसी टिभी क्यामेराबाट प्रसारित तस्वीरमा नजर राख्दछन् । यस्तो अवस्थामा पुरा दिनभरमा उसबाट केही चुक हुने सम्भावना कायम रहन्छ। यस्तोमा यो प्रविधि काम लाग्न सक्दछ। जस्तो कि कसैले सहयोगका लागि आग्रह गरेर कराएमा यो प्रविधिले सुरक्षाकर्मीलाई सतर्क गराइहाल्छ। यसबाट कुनै कमीकमजोरी वा चुक हुने सम्भावना कम हुनेछ।

संपूर्ण मित्रहरुलई फेरी पनी स्वागत छ है

बिभिध कारण बस हजुरहरू सामू केहि समय आउन सकिन है ,तपाईको मनमा लागेको कुरा हरु संसार भरी रहनु भएका आफंता हरुलाई बाड्ना सक्नु हुन्छा .

नवलपरासी मा फेरी एउटा अर्को दुखद दुर्घटना

निक्कै दुखको साथ लेख्नु पर्दा शनिबार नवलपरासी जिल्लाको पहाडी अर्खला गाविस वडा नं ३ सुर्खैखोलामा शनिवार भएको जीप दुर्घटनामा नौजनाको घटनास्थलमै मृत्यु भएको छ । दुर्घटनामा परि सात जना घाइते भएकोमा चार जनाको अवस्था गम्भीर रहेको छ । घाइतेहरु सबै जीपको छतबाट हाम फालेर बाँच्न सफल भएका हुन् । स्थानीय बासिन्दाका अनुसार अर्खलाबाट दलदलेका लागी छुटेकॊ लु १ ज १८८० नम्बरको जीप अर्खलामा दुर्घटना हुँदा नौजनाको मृत्यु भएको हो । मृतकहरु मध्ये बुलिङटार ४ निवासी लिलप्रसाद रानाभाट उनका छोरा शौरभ रानाभाट, बुलिङटार ३ निवासी डल्लीमाया पाण्डे र जनिसरा दिस्ाुवा रहेकी छन् । त्यसैगरी धनबहादुर राना र उनकै श्रीमती विहीसरा रानाको पनि सोही दुर्घट्नामा परि मृत्यु भएको छ । मृतक नौ मध्ये अन्य तीन जनाको भने अझै सनाखत हुन सकेको छैन । प्रहरी घटना स्थलसम्म पुगिसकेको भए पनि घटनाको बारेमा विस्तृत जानकारी नआएको कावासोती स्थित इलाका प्रहरी कार्यालय नवलपुरले जनाएको छ । प्रहरीले घाइतेहरुको उद्दार गरी उपचारका लागि भरतपुर पठाइसकेको भए पनि मृतकहरुको शव शनिवार साँझ सम्म पनि निकाल्न कठिनाई भएको स्थानियवासीले बताए । जीप कच्ची सडक बाट करिब ८०० मिटर तल खसेकोले शव निकाल्न कठिनाइ भएकॊ प्रहरीले जनाएको छ । बाटो कच्ची भएको र बर्षाका कारण चिप्लो भएकोले दुर्घटना भएको प्रारम्भिक अनुमान गरिएको छ ।दुर्घटनामा परी घाइते भएका अर्खला ३ का कृष्ण लुंगेली मगरका अनुसार जिप सडकदेखि निक्कै तल खसेको छ । जीपको छतमा बसेका कारण हामफालेर ज्यान बचाउन सकेका लुंगेलीका अनुसार जीपले सडक छाडेर गएकॊ देखेपछि हाम फालेर लुंगेलीले ज्यान बचाएका हुन् । उनले दुर्घटना कसरी र के कारण भयो भन्ने थाहा नभएको बताए ।ग्रामीण भेगका स्वास्थ्यचौकीमा स्वास्थ्यकर्मी र औषधिको अभाव भएकोले घाइतेहरुको प्राथमिक उपचार गर्नसमेत कठिनाई भएको छ । घटनास्थल पूर्वपश्चिम राजमार्गअन्तर्गत प्रगतिनगर गाविसको दलदलेबाट करिव ३० किलोमिटर उत्तर पहाडी भेगमा पर्दछ । उद्धारमा खटिएका स्थानीय अतिलाल सुस्लीङ्गका अनुसार भौगोलिक विकटताका कारण घाइतेहरुको उद्दार गर्न समेत कठिनाइ भएको थियो ।

कतारमा सबै फोन नंबर हरुमा थप

कतारका सबै टेलिकम सेवा प्रदायक कम्पनीहरूले बुधबारदेखि मोबाइल र आधारभूत फोनका नम्बर परिवर्तन गरेका छन् । कतारमा अहिलेसम्म ७ डिजिट (अंक) को नम्बर प्रयोग हुँदै आएकामा अब ८ डिजिट हुनेछ ।
परिवर्तित नम्बरअनुसार जुन डिजिटबाट फोन नम्बर सुरु भएको छ त्यसको अघि त्यही नम्बर थपिनेछ ।
कतारमा ३, ४, ५, ६ र ७ नम्बरबाट सुरु हुने मोबाइल/फोन नम्बरहरू क्रमशः ३३, ४४, ५५, ६६ र ७७ नम्बरबाट सुरु हुनेछन् । डायल गर्न थपिएको नयाँ नम्बर समावेश गर्नुपर्ने हुन्छ ।
कतारको कन्ट्री कोड र तीन अंकको इमर्जेन्सी सेवा नम्बरहरू भने परिवर्तन भएका छैनन् । कतारको कन्ट्री कोड ००९७४ हो । यदि फोन डायल गर्ने व्यक्तिले पुरानो नम्बरमा डायल गरे टेलिकमले स्वचालित रूपमा थप्नुपर्ने नम्बर भनिदिनेछ । टेलिकम कम्पनीहरूले तीन महिनासम्म थप्नुपर्ने नम्बर भनिदिने जनाएका छन् ।
कतारमा क्युटेल र भोडाफोन गरी दुई टेलिकम कम्पनीले मोबाइल र आधारभूत फोन सेवा प्रदान गर्दै आएका छन् । वैदेशिक रोजगारको एक गन्तव्य रहेको कतारमा साढे तीन लाखभन्दा बढी नेपाली कार्यरत छन् ।

नेपाल लाई ७५ जिल्लामा कहिले बाड़ियो त

हामीले विद्यालय पढ्दादेखिनै नेपाल १४ अञ्चल ७५ जिल्ला भनेर पढ्दै आइरहेका छौ। तर वि.सं. २०१७ साल अघि सम्म पनि नेपालमा ७५ जिल्ला नभै ३५ जिल्लामा मात्र सिमित थियो ।राजा महेन्द्रले वि.सं. २०१७ पुस २० गते राजनीतिक दलहरू माथि प्रतिबन्ध लगाएर देशमा पञ्चायती व्यवस्था लागु गरेको २ महिना पछि अर्थात् वि.सं. २०१८ वैशाख १ गतेका दिन प्रशासनिक दृष्टिले नेपाललाई ७५ जिल्लामा विभाजन गरिएको थियो ।

प्रधान न्यायादिश मा राम प्रसाद श्रेष्ठ

आइतबार २५ चैत्र २०६६/२८ मार्च २०१०

राष्ट्रपति डा. रामवरण यादवले नेपालको अन्तरिम संविधान, २०६३ बमोजिम संवैधानिक परिषद्को सिफारिसमा सर्वोच्च अदालतका न्यायाधीश रामप्रसाद श्रेष्ठलाई सर्वोच्च अदालतको प्रधानन्यायाधीश नियुक्ति गर्नुभएको छ ।उक्त कुरा राष्ट्रपतिको कार्यालयद्वारा आइतबार जारी विज्ञप्तिमा जनाइएको छ । प्रधानन्यायाधिसको कार्यभार ग्रहण गर्दैै न्यायापालिकालाई स्वच्छ र स्वतन्त्र बनाउने प्रतिबद्धता व्यक्त गर्नुभयो। न्यायापालिकालाई संसद अन्तर्गत राखेमा निरंकुश हावि हुने भएकाले स्वतन्त्र न्यायापालिकाको पक्षमा आफुले लडीरहने उहाँले बताउनुभयो।

मनीषा कोइरालाको मनको कुरा

शुक्रबार १३ चैत्र २०६६ /२६ मार्च २०१०

बलिउडकी लोकप्रीय नायिका मनीषा कोइरालाले आफ्नो मनको कुरा खोलेकी छीन , उनले नेपाली केटासँगै विवाह गर्न चाहेको बताएकी छीन । शुक्रबार रिपोर्टर्स क्लब नेपालको साक्षात्कार कार्यक्रममा कोइरालाले भनिन्, ‘म अब छिट्टै विवाह गर्छु र त्यो विवाह नेपालमै हुन्छ । किनभने म नेपाल छाड्न चाहन्न ।’मनीषाले आफू राम्रो स्क्रिप्ट आए नेपाली फिल्ममा निरंतर काम गर्न तत्पर भएको बताइन् । ‘म यहाँका निर्देशक, कलाकार, क्यामराम्यानको कामबाट प्रभावित छु । धर्माको टिमै राम्रो छ,’ अहिले दुर्गा पोखरेलको चलचित्र धर्मामा काम गरिरहेकी उनले भनिन्- म नेपालका सामाजिक, व्यावासायिक र कला जुनसुकै फिल्म खेल्न सक्छु । उनले मुम्बईको आफ्नो प्रोडक्सन हाउसले दुई वर्षदेखि काम नगरेको जानकारी दिइन् । उनले अहिले तीनवटा फिल्ममा काम गरिसकेकी छन् भने दुई फिल्ममा साइन गरिसकेकी छन् । त्यसै क्रममा उनले भनिन
सानो हजुरबुबा गिरिजाप्रसादले बिपीले देखाएको बाटो परिवर्तन गरेकामा आफ्नो चित्त नबुझेको बताउनु भएको छ । मनिषाले नेपाली राजनीतिका नायकको रुपमा अधिकांश साचार माध्यामले विशेषण झुण्डाइरहेको बेला स्व। गिरिजाप्रसाद कोइरालाले विपीको बाटो परिवर्तन गरेको भनाई सार्वजनिक गर्नु भएको हो । काठमाडौमा शुक्रवार आयोजित रिपोटस्र क्लवको साक्षात्कार कार्यक्रममा बोल्दै अभिनेत्री कोइरालाले जीपी कोइराला निडर र कर्मठ हुनाका साथै आफूले बोलेको कुरा पुर् याएर छोड्ने व्यक्ति भएको बताउनुभयो । अभिनेत्री कोइरालाले स्व कोइराला थोरै बोल्ने तर बोलेको कुरा पुरा गर्नैपर्ने स्वभाव रहेको टिप्पणी गर्नुभयो । स्व कोइरालासँग आफ्नो दुई वर्षअघिमात्रै कुरा भएको बताउँदै अभिनेत्री मनिषाले स्वर्गीय कोइरालाले गर्न बाँकी रहेको शान्तिप्रकि्रया र संविधान निर्माणका काम सबै राजनीतिक दलले मिलेर पुरा गर्नुपर्ने सुझाव समेत दिनु भयो

राष्ट्रप्रमुख हरु बाट जानकी दर्शन

बुधबार ११ गते चैत्र २०६६/२४ मार्च २०१०
सोमबार पुस्तैनी गाउं सपही आएका राष्ट्रपति डा. रामवरण यादव रामनवमीको अवसरमा आजै बिहान जानकी र राममन्दिरको दर्शन र पूजाअर्चना गरेका छन । राष्ट्रपती डा.यादव गाउंबाट जनकपुर हेलिकप्टरमा आवतजावत गरेका थिए । राष्ट्रपति डा.यादवको शुक्रवार राजधानी फर्किने कार्यक्रम रहेको छ ।त्यस्तै गरेर पूर्व राजा ज्ञानेन्द्र आज बिहान जनकपुरको जानकी मन्दिरको दर्शन र पूजाअर्चना गरेका छन् । बिहान १०:५० मा जनकपुर आएका पूर्व राजा ज्ञानेन्द्र विमानस्थलबाट सोझै शिवचोक स्थित होटेल मानकीमा केहीबेर विश्राम गरेर जानकी मन्दिर प्रस्थान गरेका थिए । उनी जानकी मन्दिरको दर्शन पूजा अर्चना गरेर रामजानकी विवाहमण्डपको दर्शन समेत गरेका छन । पूर्व राजा ज्ञानेन्द्रको सुरक्षामा डीएसपी रुप कुमार न्यौपानेको कमाण्डमा जनपथ प्रहरी परिचालन गरिएको थियो । शिवचोकदेखि जानकी मन्दिरसम्म सुरक्षा व्यवस्था कडा पारिएपनि पूर्व राजा ज्ञानेन्द्रको दर्शन र पूजाअर्चनाको बखत सर्वसाधारणलाइ रोकिएन् । पूर्व राजा ज्ञानेन्द्रका समर्थकहरुले राजा ल्याउ देश बचाउ को नारा लगाउदै जानकी मन्दिर परिसरलाई गुजमान गरेका थिए । ज्ञानेन्द्रलाई राप्रपा नेपालका कार्यकर्ताहरुले पनि जनकपुरमा भव्य स्वागत गरेका थिए।

चैते दशे

मंगलबार १० गते चैत्र २०६६/२३ मार्च २०१०
आज चैत्र शुक्ल अष्टमीका दिन मनाइने चैतेदसैँ दुर्गा भवानीको पूजाआराधना गरेर मनाइँदैछ । दानवी शक्तिमाथि दैवीशक्तिको विजयका रूपमा शक्तिरूपा दुर्गा भवानीको उपासना गरी चैतेदसैँ मनाउने गरिन्छ।आज बिहानदेखि देशको बिभिन्न ठाऊ लगाएत उपत्यकाका शक्तिपीठ गुहृयेश्वरी, दक्षिणकाली, शोभाभगवती, रक्तकाली, नक्साल भगवती, कालिकास्थान, सङ्कटा र मैतीदेवी मन्दिरमा देवीभागवत, कालिका पुराणलगायतका स्तोत्र पाठ गरिन्छ ।चैतेदसैँलाई महत्व दिने व्यक्तिले आज भगवतीका मन्दिरमा पूजापाठका साथै पशुबलि पनि चढाउँछन् ।वर्षको दुईपटक चैत र असोजमा गरिने दुर्गापूजाको विशेष महत्व रहेको शास्त्रमा वणिर्त छ । शक्तिस्वरूपा भगवतीको आराधनाको महत्व सप्तशती चण्डी, देवीभागवत, कालिकापुराण आदिमा उल्लेख छ ।आजको दिन अशोकको फूल खानाले रोग आदि नाश हुन्छ भन्ने पनि विभिन्न शास्त्रमा उल्लेख छ ।

बर्डफ्लू नवलपरासी मा

सोमबार चैत्र ९ गते २०६६/२२ मार्च २०१०
नवलपरासीको देउरालीमा फैलिएको बर्डफ्लु नियन्त्रणमा नआउँदै नवलापरासीमै सबभन्दा बढ़ी मासु बिक्री हुने शिवमन्दिर गाविसमा पनि बर्डफ्लु भेटिएको छ । पाँच दिन अघि देउराली गाविसमा बर्डफ्लु भेटिएको पुष्टि भएपछि बर्डफ्लु नियन्त्रण गर्न परिचालित टोलीले शिवमन्दिर गाविस- ७ विष्णुनगरमा पनि बर्डफ्लुको पुष्टि भएको टोलीका सूचना अधिकृत शिवनाथ महतोले बताउनुभयो ।बर्डफ्लु नियन्त्रणको क्रममा देउराली गाविसका ४, ६, ७ र ८ नम्बर वडामा हालसम्म एक हजार २ सय ३० कुखुरा, ६४ हाँस, ७१ परेवा, ६ सय ५२ अण्डा र दाना पनि नष्ट गरिएको छ ।नवलपरासीमा बर्डफ्लुको जिवाणु फेला परेपछि जिल्लाभर उच्च सतर्कता अपनाइएको प्रमुख जिल्ला अधिकारी बालकृष्ण पन्थीले बताउनु भयो । भारतसँग सीमा जोडिएका नाकामा कडाइ गरिएको छ भने कुखुरा पालक कृषकको घरमा औषधि छर्कने र पंछी र पंछीजन्य बस्तु नष्ट गर्ने कामलाई निरन्तरता दिइएको छ ।

अब गिरिजा प्रसाद कोइराला हामी बिच रहेनन

शनिबार चैत्र ७ गते २०६६/२० मार्च २०१०

जन्मे पछि एक पटक मर्ने पर्छ , अत्यन्तै दुखका साथ लेख्नु पर्दा पुर्व प्रधानमन्त्रि एवं नेपाली काँग्रेसका सभापति गिरिजाप्रसाद कोइरालाको मण्डिखटारस्थीत सुजाता निवासमा उपचारका क्रममा म्रित्यु भएको छ । दिउसो १२ बजेर ११ मिनेट जादा उहाँको उपचारमा संलग्न चिकित्सकहरुले म्रित घोषणा गरेका थिए । राणा प्रधानमन्त्री चन्द्र शम्सेरले पिता कृष्णप्रसाद कोइरालालाई राजद्रोहको मुद्दा लगाई सर्वस्व हरणसहित देश निकाला गरेपछि ४५ जनाको परिवारसहित भारतको बनारस निर्वासनमा पुगेको कोइराला परिवार वि.सं. १९७५ मा भारतीय विहार राज्यको सहर्स जिल्लाको टेडीमा पुगेको थियो । निर्वासन अवस्थामा रहेको बेला जन्मनु भएको थियो सभापति कोइराला । गिरिजाप्रसाद कोइराला गर्भमा रहेका बेला मातापिता गिरिजादेवीको मन्दिरमा जाने गर्नुहुन्थ्यो र उहाँहरुको सन्तान जे जन्मिए पनि गिरिजाप्रसाद या गिरिजादेवी राख्ने सल्लाह अनुसार उहाँको नाम गिरिजाप्रसाद राखिएको थियो । कोइराला परिवारको आयस्रोत खेतीपाती थियो । चन्दशम्सेरको मृत्युपछि पिता कृष्णप्रसाद कोइराला वि।सं. १९८६ मा विराटनगर फर्कनु भयो । त्यतिबेला गिरिजाप्रसाद कोइराला ५ वर्षको मात्र हुनुहुन्थ्यो। पछि वि.सं. १९०३ साल असोज २ पिता कृष्णप्रसाद कोइरालाले राणा शासन विरुद्ध विराटनगरबाट जनताका थोत्रा कपडा हुलाकमार्फत पठाएपछि राजविद्रोहको मुद्दा लगाई सर्वस्व हरणसहित पूर्ण देश निकाला गरेको थियो । पिता कै प्रेरणाबाट राणा शासन विरोधी भावना जन्मिएको थियो सभापति गिरिजाप्रसाद कोईरालामा । त्यसैले उहाँ २३ वर्षको उमेरदेखि नै आन्दोलनको नेतृत्व गर्ने तहमा पुग्नुभयो । २३ वर्षको उमेरमा नै विराटनगर जुटमिलमा चर्किएको आन्दोलनको नेतृत्व गर्नुभएको थियो । सन् १९४८ मा त उहाँ नेपाल ट्रेड युनियन कांग्रेसको संस्थापक अध्यक्ष नै बन्न भयो। सन् १९५२ देखि १९६० सम्म नेपाली कांग्रेसको मोरङ जिल्ला सभापति बन्नु भएका कोइरालालाई सन् १९६० मा पक्राउ गरी ७ वर्ष सम्म जेल हालियो। उहाँले त्यतिबेला जेलमा नै २१ दिने भोकहड्तालसमेत गर्नुभयो ।
जेलबाट छुटेपछि भारत पुग्नुभएका कोइराला ११ वर्षपछि विपीसँगै मेलमिलापको नीति लिएर नेपाल फर्कनुभयो । सन् १९७५ देखि ९१ सम्म पार्टीका महामन्त्री बन्नुभएको थियो गिरिजाप्रसाद कोइराला । २०३९ साल साउन ६ गते विपी कोइरालाको निधनपछि पार्टी गिरिजाप्रसाद कोइरालासहित गणेशमान सिंह र कृष्णप्रसाद भट्टराईको सामुहिक नेतृत्वबाट अगाडि बढेको थियो । २०४८ सालको चुनावपछि जेठ १६ गते बनेको सरकारमा तत्कालीन महामन्त्री गिरिजाप्रसाद कोइराला नै प्रधानमन्त्री हुनुभयो । त्यसपछि २०५३ साल बैषाख २९ गते काठमाडौंमा सम्पन्न कांग्रेसको ९ औं महाधिवेशनबाट सभापतिमा गिरिजाप्रसाद कोइराला निर्वाचित हुनुभयो । २०५७ साल माघ ९ गते कांग्रेसको दशौं महाधिवेशन कास्कीको पोखरामा सम्पन्न भयो। सो महाधिवेशनबाट गिरिजाप्रसाद कोइराला पुनः पार्टी सभापतिमा निर्वाचित हुनभयो । २०६२ साल भदौ १४ गतेदेखि १७ सम्म ललितपुरमा भएको ११ औं महाधिवेशनमा पनि गिरिजाप्रसाद कोइराला सभापतिमा पुनः निर्वाचित हुनुभयो ।
जनआन्दोलन सफल भएपछि पनि गिरिजाप्रसाद कोइराला प्रधानमन्त्री बन्नुभयो भने उहाँ १३ वर्षदेखि नै नेपाली कांग्रेसको सभापति हुनुहुन्थ्यो । दिल्लीमा भएको बाह्र बुँदे समझदारीदेखि शान्ति सम्झौता हुँदै नेपालको शान्ति प्रक्रियामा महत्वपूर्ण भूमिका रहेको थियो ,८६ वर्षीय कोइरालाको। नेपाली प्रजातान्त्रिक आन्दोलनमा अग्रज तथा पहिलो विराटनगर मजदुर आन्दोलनका नेता गिरिजाप्रसाद कोइरालाले निरंकुश राणा शासन विरुद्ध पञ्चायती व्यवस्था विरुद्धको जनआन्दोलन र २०६२/६३ को लोकतान्त्रिक आन्दोलनमा अग्रणी भूमिका निर्वाह गर्नुभयो कोइरालाले । लोकतन्त्र प्राप्तिपछि भारतीय प्रधानमन्त्री मनमोहन सिंहबाट एसियाकै महान नेताको सम्मान पाउनुभएका कोइराला १० वर्ष लामो युद्ध गरेको माओवादीलाई शान्तिप्रक्रियामा ल्याउन महत्वपूर्ण स्थानमा रहेर काम गर्नुभयो। संसारमै शाम्यवादी आन्दोलन शंकटमा रहेको चर्चाकाबीच पनि कोइरालाले शसस्त्र युद्धमा रहेको पार्टीलाई शान्ति प्रक्रियामा ल्याउन सफल हुनुभएकाले पनि उहाँको नाम विश्वमा चर्चित छ। २०४६ को जनआन्दोलपछि नेपालमा कम्युनिष्टप्रति कडा रुपमा प्रस्तुत हुने कोइरालाको छवि कम्युनिष्ट विरोधीको रुपमासमेत चर्चामा थियो । २०४६ सालको जनआन्दोलनपछि दशकमा उहाँको नाम कम्युनिष्ट विरोधीकै पर्यायकै रुपमा आउने गरेको थियो ।माओवादी युद्धको सुरुमा माओवादीलाई निस्तेज पार्न कोइरालाले चालेको कदमका कारण उहाँ त्यतिबेला कम्युनिष्टका लागि अनुदार व्यक्तिका रुपमा चिनुनुभयो। तर २०६२ सालमा भने उहाँ युद्ध लडिरहेको कम्युनिष्ट पार्टीसँग समेत हातेमालो गर्न पुग्नुभयो। युद्धकालमै माओवादीसँग राजतन्त्र विरुद्ध सहमति गरेपछि नेपाली कांग्रेसभित्रैसमेत कोइरालाको कडा आलोचना भयो। तर कोइरालाको व्यक्तित्व अगाडी त्यो विरोध गलत बन्यो । पहिले राजतन्त्रका समर्थक कोइरालाले नै डेढ सय वर्ष पुरानो राजतन्त्रका विरुद्ध आन्दोलनको अगुवाई गर्नुभएको थियो ।

नेपाली कामदार हरुको एक-अर्को सफलता

शुक्रबार ६ गते चैत्र २०६६/१९-मार्च-२०१०
कामदार रोजगार अनुमति प्रणाली (इपीएस)मार्फत गएका नेपाली कामदारले उत्कृष्ट काम देखाएका कारण आगामी बर्ष थप ४ हजार कामदार लिने घोषणा गरेको छ । यो वर्ष इपिएस अन्तर्गत दक्षिण कोरियामा कामदार पठाउने १५ मुलुकमध्ये नेपाल उत्कृष्ट भएको थियो। इपीएस अन्तर्गतको मानव संशाधन विभागका अधिकारीले सो जानकारी दिएका हुन्। गत वर्ष १३ औं स्थानमा परेको नेपालले एकैचोटि यो फड्को मारेको थियो।कामदारको कार्यसम्पादानको आधारमा कोरियाले थप कामदार लिने घोषणा गरेको हो,' राम्रो कार्यसम्पादनलाई कोरियाले सकारात्मक रुपमा लिएर कामदार बढी लिने घोषणा गरेको मन्त्रालय स्रोतले बतायो। इपिएस कोरिया, नेपाल मानव संशाधन कार्यालयका महानिर्देशक जेन्गोहोले उत्कृष्टताको पुरस्कार बितरण कार्यक्रममा इपिएसअन्तर्गत नेपालले पाएको यो सफलताका कारण थप रोजगारको अवसर आउनसक्ने बताएका छन . कोरियाले १५ मुलुकबाट इपीएस अन्तर्गत रहेर कामदार लिदै आएको छ। आगामी बर्ष यी मुलुकबाट २० हजार कामदार इपीएस अन्तर्गत लिने कोरियाले घोषणा गरेको छ। यसमा सबैभन्दा बढी नेपालबाट कामदार लिन लागेको छ । उनका अनुसार अहिले भाषा परीक्षा दिएर रोस्टरमा रहेकाहरु नियमित रुपमा जान पाउनेछन्।सबै प्रक्रिया पूरा गरेर सबभन्दा छिटो कामदार पठाउन सकेकाले नेपाल उत्कृष्ट बनेको हो। उनका अनुसार अहिले भाषा परीक्षा दिएर रोस्टरमा रहेकाहरु नियमित रुपमा जान पाउनेछन्। तोकिएको समयभित्र कामदार नआइपुग्दा धेरै उद्योग बन्द भएको उदाहरण कोरियामा छ। त्यही भएर कोरियाले इपिएसअन्तर्गत कुन देशले सम्झौता भएको कति सयमभित्र कामदार पठायो भन्ने विषयलाई मुख्य प्राथमिकता दिने गरेको छ। कामदारले आफ्नो कार्यक्षेत्र भित्र र बाहिर देखाउने अनुशासनलाई पनि मापदण्डका रूपमा लिइन्छ। ‘रोजगारदाताको विश्वास जितेर थप अवसर आउनु स्वागतयोग्य हो,' आचार्यले भने, ‘यसलाई जोगाएर अझ बढी अवसरको खोजी गर्नुपर्छ।'कामको जिम्मेवारी राम्ररी वहन गर्ने र पूर्ण जवाफदेहिता लिने कसीमा पनि नेपालीहरू खरो उत्रेका छन्। इपिएसअन्तर्गत कुनै पनि देशको कार्य-सम्पादन मापन गर्ने यस्ता मापदण्डमा नेपालीले आफूलाई अग्रस्थानमा उभ्याएर कोरियाली रोजगारदाताको विश्वास जितेका थिए। इपिएसअन्तर्गत करिब ३ हजार ७ सय नेपाली कामदार कोरिया गइसकेका छन्। नेपालले करिब ३ वर्षपछि २००७ जुलाइ २३ मा यो सुविधा पाएको थियो । इपीएस अन्तर्गत ६ हजार ५ सय ८६ जना छनौंट भएका थिए। मन्त्रालयका अनुसार नयाँ कामदारको छनौट भने साउनबाट हुनेछ। साउनमा कोरियाली भाषा परीक्षा हुने र परीक्षाको परिणाम भदौमा निकालिने मन्त्रालयले जनाएको छ। सचिव आचार्यले परीक्षामा उर्तिण भएका सबै प्रक्रिया सकेर सूची तयार पारेर रोस्टर निकाल्ने जानकारी दिए। नेपाली कामदार कृषि, माछापालन, सेवा, उत्पादनमूलक र निर्माण क्षेत्रमा काम गर्न त्यहाँ गइरहेका छन्। कोरिया गएका कामदारले मासिक ७० हजार रुपैयाँभन्दा बढी कमाउँछन्। सन् २००४ मा सुरु भएको इपिएसअन्तर्गत १५ वटा देशले दक्षिण कोरियामा कामदार पठाउँदै आएका छन्।

एसएलसी २०६६

शुक्रबार चैत्र ६ गते २०६६/१९ मार्च २०१०
यस बर्षको एसएलसी परीक्षा नजिकीदै छ , चैत १२ गतेदेखि सुरु हुने एसएलसीको तयारीसम्पन्न भएको परीक्षा नियन्त्रण कार्यालयले जनाएको छ। यसपटकको एसएलसी परीक्षामा चार लाख छैसट्ठी हजार तीन सय परीक्षार्थीहरु सहभागी हुँदैछन्। यसवर्षको एसएलसी परीक्षामा एक हजार तीन सय माओवादी जनसेना सहभागी हुने भएका छन्। चितवनको शक्तिखोरस्थित तेस्रो डिभिजनबाट ६ सय, रोल्पाको पाँचौ डिभिजनबाट तीन सय र अन्य शिविरहरुबाट चार सय जनसेना यस वर्षको एसएलसी परीक्षामा सहभागी हुने भएका हुन्। शैक्षिक जनशक्ति विकास केन्द्रले सञ्चालन गरेको खुला विद्यालयबाट उनीहरुले परीक्षा दिन लागेका बताइएको छ।

कठई बिचारा कर्णाली राजमार्ग मा बस दुर्घटना हुदा ३१ जनाको मृत्यु

बिहीबार चैत्र ५ गते २०६६/१८ मार्च २०१०

कालिकोटदेखि सुर्खेततिर जादै गरेको काँक्रेबिहार यातायात व्यवसायी समितिको यात्रुवाहक बस आज बिहान कर्णाली राजमार्गको दैलेख स्थित किट्टुनजिक दुर्घटना हुँदा ३१ जनाको मृत्यु भएको पुष्टि भएको छ। मृत्यु हुनेमा पाँच महिने र २ वर्षे वालकहरुसमेत छन्। दुर्घटनामा मारिएका ३१ मध्य १७ जनाको नाम सार्वजनिक भएको छ भने १० भन्दा बढी यात्रु गंभीर घाईते रहेकाले यो संख्या अझ बढ्न सक्ने बताइएको छ। हालसम्म सनाखत भएकामा कालिकोट फुकोटका पूर्ण सुनार, उनकी श्रीमति गोमा सुनार, रुद्र न्यौपाने, जयरुद्र न्यौपाने, दैलेख पीपलबोटका प्रवल बस्नेत, उनकी छोरी दीपा बस्नेत र सोही ठाउँका विष्णु रावत, कालिकोट सिपखानाका गजेन्द्रनाथ योगी रहेको स्थानीय चतुर्भुज न्यौपानेले जानकारी दिएका छन्। अरु मृतक र घाइतेहरुको नाम खुल्न सकेको छैन।
मध्यपश्चिम क्षेत्रीय प्रहरी कार्यालयका अनुसार ना३ख ५८६८ नम्बरको बस बिहान करिब ७ बजे दुर्घटना भएर कर्णाली नदीमा खसेको थियो। बसले कालिकोटबाट ३३ जना यात्रुको चलानी बुझेर ल्याए पनि बसमा करिब ६० जना सवार रहेको स्थानीयबासीको भनाइ छ।क्षेत्रीय प्रहरी कार्यालय प्रहरी निरीक्षक सुरेश मल्लका अनुसार बसधनी कृष्णबहादुर बुढाले दुर्घटनाबारे दैलेखको राकमस्थित प्रहरीचौकीमा खबर गरेका थिए। बसको आधा भाग पानीमा खसेको छ। उद्धारको लागि दैलेख, अछाम र कालिकोटबाट सुरक्षाकर्मीहरु दुर्घटनास्थल पुगेको क्षेत्रीय प्रहरी कार्यालयले जनाएको छ। घाइतेको उद्धारको लागि सुर्खेतबाट हेलिकोप्टर पठाइएको छ।

नवलपरासी मा बर्ड फ्लू

बिहीबार ५गते चैत्र २०६६ /१८ मार्च २०१०
मन्त्रिपरिषदको बैठकले भारत संग सिमाना जोडिएको जिल्ला नवलपरासीको देउराली गाविस-६ झ्यालबासका कृषक बलबहादुर बागबलको घरलाई केन्द्रविन्दू मानेर सरकाले चारैतिर पाँचसय मिटरको क्षेत्रलाई बर्डफ्लु संक्रमित क्षेत्र घोषणा गरेको छ । सो स्थानमा पशु चिकित्सको नेतृत्वका बर्डफ्लु रोग नियन्त्रण टोली परिचालन गरिएको कृषि तथा सहकारी मन्त्रालयले जनाएको । भारतसँग सिमाना जोडिएको हुँदा त्यतैबाट आएको अनुमान मन्त्रालयको छ। संक्रमित क्षेत्रमा सम्पुर्ण पन्छीहरु नष्ट गर्नुका साथै लसपस भएका औजार र दाना समेत नष्ट गर्न सुरु गरिएको छ।मंत्रालय ले क्षेतिपूर्ति समेत दिने जनाएको छ । केन्द्रीय पशुस्वास्थ प्रयोगशाला त्रिपुरेश्वरमा गरिएको परिक्षणपछि ती स्थानमा बर्डफ्लु लागेको पुष्टि भएको हो।

चितवनमा दोस्रो क्यान इन्फोटेक मेला

नारायणगढ़ ,बिहीबार चैत्र ५ गते २०६६/१८ मार्च २०१०
चितवनको नारायणगढमा बिहीबारबाट सूचना प्रविधिसम्बन्धी दोस्रो क्यान इन्फोटेक मेला सुरु भएको छ । नारायणगढस्थित क्याम्पाचौरमा सुरु भएको मेलामा सूचना प्रविधि प्रदर्शनीसँगै आइसिटी सेमिनार पनि आयोजना भईरहेको छ । आगामी चैत्र १० गतेसम्म सञ्चालन गरिने मेला चितवनमा दोस्रो हो।
कम्प्युटर एसोसिएसन अफ नेपाल (क्यान) नारायणीको आयोजनामा सूचना प्रविधिसम्बन्धी मेला हुन लागेको हो। मेलामा १ सय २५ वटा स्टल राखिएको छ। मेलामा सूचना र प्रविधिसम्बन्धी विभिन्न जानकारीमुलक प्रस्तुतिसँगै सूचना प्रविधिसम्बन्धी सबै प्रकारका प्रविधि सहुलियतरुपमा खरिद बिक्री गर्न सकिने
आयोजक समितिका संयोजक कमल बास्तोलाले जानकारी दिए।
मेलामा विभिन्न ब्रान्डका कम्प्युटर, ल्यापटप, सोलार, जेनेरेटर, इबुकलगायत इलेक्ट्रोनिक्स सामान प्रदर्शनीका लागि राखिएका छन्। करिव २ लाख दर्शकले अवलोकन गर्ने विश्वास गरिएको मेलामा ५ करोडभन्दा बढीको आर्थिक कारोवार हुने अनुमान आयोजकको छ। मेला अवलोकनका लागि नयाँ पुस्ताका रुपमा रहेका जिल्लाका विद्यालयहरुका विद्यार्थीहरुलाई विशेष प्राथमिकताका साथ अवलोकन गराइने आयोजकले व्यवस्था गरेको छ। जसबाट नयाँ पुस्ताले सूचना प्रविधिको युगमा समावेश भएर अगाडि बढ्न सक्ने विश्वास आयोजकले लिएका छन्।

दुई शब्द सहित स्वागतम तपाईहरुलाई

आज मिति २०६६ साल चैत्र ५ गते बिहीबार तथा १८ मार्च २०१० ।
सर्बप्रथम त यहाँ हरु सबैलाई मेरो वेब साईट- ब्लगर मा स्वागत छ । तपाई हरुको वरीपरी,तथा मनमा केही कुरा छ र त्यसलाई छ्पाउन चाहानु हुन्छ भने प्लीज़ यस ठेगानामा पठाउनु होला ( kawasotinepal@gmail.com )कावासोतीनेपाल @गमेल डट कम

हाम्रो देश को स्थिति हामी सबैलाई अबगत भएकै कुरा हो। कामको सिलसिलामा विभिन्न देशमा छरिएर रहनु भएका सम्पूर्ण चिर-परिचित मित्रहरुलाई म भीम रावल नवलपरासी तथा लम्जुंग हाल दोहा कतार बाट दुई हात,दशऔला जोडी नमस्कार गर्दछु ।तपाई संसारको जुनसुकै कुनामा जहाँ जस्तो अबस्थामा हुनहुन्छ नेपाली हुनुमा गर्व गर्नुहोस ,सधै हसिखुसी रहनु होस् । एक अर्काको दुख-सुखमा स्वच्छ मनले साथ दिनुहोस ।नेपाल र नेपालीको विकास गर्नलाई मित्री आत्मादेखिनै सक्दो सहयोग गरौ ,केहि गर्नु पर्दैन मात्र मनमा सकारात्मक कुरा राखी सबै संग मिठो बोलिदिउ।अनि मात्र हामीले खोजेको नया नेपालको नया रेखा कोरिनेछ ।हवस्त हजुर आजलाई यतिनै बाकी आउने दिनहरुमा कोर्दै गरौला।
तपाईहरुको उही मित्र
भीम रावल